Política de confidencialidá

Data d'entrada en vigor: 25 de mayu del 2023

MIRAMOS POLA PROTECCIÓN DE LOS TOS DATOS PERSONALES.

La empresa FIFTEEN, Sociedá por acciones simplificada con un capital de 1.815.772 euros con llar social en 105, avenue Jean Jaurès, bâtiment A, cellule 2, 69600 OULLINS, FRANCE, inscrita nel Rexistru Comercial y de Sociedaes de LYON col númberu 505 280 727 («nó», «nuesu» o «nos»), comprométese a respetar la vida privada y les lleis aplicables sobre la protección de los datos de los usuarios («tu», «el to» o «te») del so serviciu (el «Serviciu», como se define más detalladamente nel artículu «Definiciones»).

Esta declaración de confidencialidá (la «Declaración») describe'l nuesu métodu de recoyida y d'usu de los datos personales nel marcu del to usu del Serviciu, del nuesu Sitiu Web (el «Sitiu Web») y de los tos intercambios con nós, datos de los que somos responsables acordies cola llexislación europea sobre'l tratamientu de datos de calter personal.

Los softwares del to terminal puen tener accesu a les tos informaciones. Los nuesos productos o servicios puen incluyir enllaces a otres webs d'empreses que tengan les sos propies polítiques de confidencialidá. Poro, aconseyámoste lleer con procuru les sos polítiques de confidencialidá.

Esta declaración namái s'aplica nel marcu del Serviciu y del nuesu Sitiu Web.

Nun tas obligáu a danos los tos datos personales. Sicasí, si optes por nun danos los tos datos personales, nós nun vamos poder ufrite los nuesos productos o servicius o'l conxuntu de les sos funciones o responder a les tos entrugues.

Definiciones

«Nós», «nuesu» o «nos»: designa a la sociedá Fifteen talo como se designa na testera de la Declaración y/o'l to empleador/escuela/universidá, si'l Serviciu se vos ufre per aciu d'esti últimu.

«Serviciu»: designa'l serviciu de bicis eléctriques d'usu llibre ufríu por Fifteen, como se define nes Condiciones Xenerales d'Usu del Serviciu Bici a les qu'esi serviciu se somete y que formen un tou indivisible cola Declaración.

«Bici»: marca d’esplotación comercial de Fifteen.

«Aplicación»: designa'l programa descargable de baldre y executable dende'l sistema d'esplotación (iOS o Android) d’un smartphone o d’una tablet. Permiten a tou usuariu/a del Serviciu alcontrar una bici cercana, desbloquiala, siguir un itinerariu adaptáu a ciclistes, consultar el númberu de km percorríos, suscribise al Serviciu, contactar col Serviciu al veceru y declarar un incidente.

¿Cuáles son les informaciones que recoyemos?

Recoyemos los tos datos personales y otres informaciones cuando rellenes los distintos cuestionarios en llinia nel marcu de la utilización del Serviciu, y del Sitiu Web o cuando respuendes a entrugues que se te faigan per email, per teléfonu, o pela aplicación Bici («l’Aplicación») o per cualesquier otru mediu de comunicación, y cuando faes parte d'una campala, o encuesta o cuando interactúes con nós. Esto inclúi los casos qu'apaecen darréu:

• Les nueses aplicaciones puen contactar regularmente colos nuesos servidores, por exemplu col envís de comprobar si hai actualizaciones, o pa unvianos informaciones sobre'l to usu de los nuesos servicios. Arriendes d'ello, podemos convidate a xunite voluntariamente a programes de meyora del serviciu o d'investigación, nos que recoyemos informaciones detallaes como la to categoría socioprofesional, el to sexu o l'usu que faes de los nuesos servicios.
• Informaciones que nos apurriesti: al crear una cuenta, nel marcu del usu del Serviciu, o al solicitar los nuesos servicios, participar en campañes o encuestes, o si interactúes con nós, podemos pidite informaciones como'l to nome, dirección d'email, númberu de teléfonu, dirección psotal, nomes d'usuariu y contraseñes, comentarios, informaciones rellacionaes colos tos terminales, edá, xéneru, llingua.
• Tamién vamos caltener los tos consentimientos, preferencies y configuraciones rellacionaes, por exemplu, colos datos d'allugamientu, el marketing y l'intercambiu de datos personales.
• Les tos transacciones con nós: guardamos un rexistru de les tos merques, descargues, el conteníu que nos apurriesti, los tos pidimientos, los acuerdos ente tu y nós, los productos y servicios que t'ufrimos, los detalles de pagu y d'entrega, asina como les tos interacciones con nós. Acordies cola llei aplicable, podemos tamién rexistrar les tos comunicaciones col nuesu serviciu o cualesquier otru puntu de contactu.
• Datos d'allugamientu y llocalización: los servicios d'allugamientu afítenlu per aciu de métodos d'asitiamientu satélite, móvil, Wi-Fi o otres redes. Estes tecnoloxíes puen acarretiar la comunicación de los tos datos d'allugamientu y del númberu d'identificación únicu del móvil, identificadores de Wi-Fi o otra rede con nós. Los nuesos productos puen funcionar con estremaes plataformes, aplicaciones y servicios que puen, pela so cueta, recoyer los tos datos d'allugamientu. Nun utilizamos estes informaciones pa identificate personalmente ensin el to consentimientu.
• La to dirección email: podemos tratar la to dirección email si nos la apurriesti pel nuesu Sitiu Web.
• Tamién recoyemos datos personales per aciu de cookies y marcadores nel nuesu Sitiu Web y na Aplicación. Pues consultar la sección «¿Cómo utilizamos les cookies y los marcadores Web? » pa más información.

¿Por qué tratamos los tos datos personales?

Podemos tratar los tos datos personales pa dar rempuesta a distintes necesidaes:

• Ufrir el Serviciu: podemos utilizar los tos datos personales pa ufrite'l Serviciu, pa caltenelu, pa procesar los tos pidimientos y, en xeneral, pa executar el contratu ente nós y tu, pa garantizar el bon furrular y la seguranza de los nuesos productos y servicios, y sobre manera del Serviciu, pa identificalu col envís d'ufrir el Serviciu, asina como pa prevenir el fraude y otros usos maliciosos, o pa investigalos.
• Comunicanos contigo: podemos utilizar los tos datos personales pa comunicanos contigo, por exemplu, pa informate que los nuesos servicios camudaron o pa unviate alertes sobre los nuesos productos y/o servicios, y pa contactar contigo al traviés del nuesu Serviciu d'Atención al Veceru.
• Marketing, publicidá y recomendaciones: podemos contactar contigo col envís d'informate de nuevos productos o servicios, de promociones que puedan ufrísete, o facer una encuesta dempués d'obtener el to consentimientu, o si se nos permite. Podemos utilizar los tos datos personales pa personalizar les nueses ufiertes y ufrite servicios que te puedan interesar más, por exemplu, faciéndote recomendaciones, amosando conteníu personalizáu y anuncies nos nuesos servicios. Esto pue incluyir amosar conteníos de Fifteen o de terceros.
• Estadístiques anónimes: podemos amestar los datos GPS de tolos usuarios pa ufrir estadístiques sobre los vezos de desplazamientos, que se van comunicar a los nuesos socios. Estos datos amestaos van ser anónimos acordies coles condiciones previstes pola normativa vixente en materia de protección de datos personales.

Utilizamos los tos datos personales col to consentimientu si ye necesario pa la bona execución de la rellación contractual que nos venceya. Tamién podemos usar los tos datos personales cuando asina lo esixa la llei o'l nuesu interés llexítimu, como pa protexer a los nuesos veceros, caltener la seguranza de los nuesos productos y servicios y protexer los nuesos drechos y propiedá.

¿Compartimos los tos datos personales?

Nun vendemos, arrendamos nin asoleyamos los tos datos personales a terceros sacantes nos casos mentaos darréu.

• El to consentimientu y los botones de redes sociales: podemos compartir los tos datos personales si nos diesti'l consentimientu. Dellos de los nuesos productos puen permitite compartir los tos datos personales coles redes sociales. Encamentámoste que pongas procuru y consultes les polítiques de protección de datos personales d'estes redes sociales pa conocer dafechu qué información atropen estos sitios, asina como les fines pa les qu'usen los tos datos, n'especial con fines de publicidá.
• Empreses del grupu Fifteen y terceros autorizaos: podemos compartir los tos datos personales con otres empreses del grupu Fifteen o terceros autorizaos, tratando los datos personales por Fifteen acordies colos puntos conseñaos nesta Declaración. Esto pue incluyir, por exemplu, la facturación al to operador de rede, o la entrega de bateríes personales, la ufierta de servicios como atención al veceru, xestión y análisis de datos de consumu, encuestes, xestión comercial o otros.
• Podemos llevar a cau campañes comerciales y otros métodos de comunicación en collaboración colos nuesos socios terceros autorizaos. Col envís d'evitar comunicaciones duplicaes y innecesaries, y pa unviate un mensaxe adaptáu a les tos necesidaes, pue ser que tengamos que comparar los datos atropaos por Fifteen colos recoyíos pol sociu cuando la llei lo permita.
• Estos terceros autorizos por Fifteen nun tán autorizaos a usar los tos datos personales pa nenguna fin. Pidímos-yos qu'actúen acordies con esta Declaración y les normes de protección de datos personales aplicables y qu'empleguen les midíes de seguranza afayadices pa protexer los tos datos personales.
• Tresferencies internacionales de datos personales: los nuesos productos y servicios puen ufrise cola ayuda de recursos y servidores que s'alcuentren en distintos países del mundu enteru. Poro, los tos datos personales puen tresferise acullá de les fronteres del país nel qu'uses los nuesos servicios, incluyíos países que nun faen parte de la Comunidá Europea y que nun tienen lleis que dean protección específica pa los datos personales, o que tienen lleis de protección de datos distintes. Nestos casos, tomamos midíes pa garantizar la protección afayadiza de los tos datos personales, acordies cola llei aplicable, pel usu d'acuerdos aprobaos poles autoridaes pertinentes (p. ex., la Comisión Europea) y esixendo l'usu de midíes de seguranza dende'l puntu de vista técnicu y organizativu en rellación cola información.
• Asoleyamientos obligatorios: Ye posible que la llei nos esixa asoleyar los tos datos personales a delles autoridaes o otros terceros, por exemplu, a les fuerces del orde de los países nos que trabayamos nós o terceros qu'actúen nel nuesu nome. Podemos tamién asoleyar y tratar los tos datos personales acordies cola llei aplicable pa defender los nuesos intereses llexítimos, por exemplu en casu de procedimientos xudiciales civiles o penales.
• Fusiones y adquisiciones: si decidimos vender, mercar, fusionar o reorganizar les nueses actividaes en dellos países, esto pue acarretiar l'asoleyamientu de datos personales a compradores potenciales o reales y a los sos asesores, o la recepción de datos personales de vendedores y los sos asesores.

¿Cómo se trata la confidencialidá de los neños/es?

Los productos y servicios Fifteen tán xeneralmente empobinaos a audiencies xenerales. Nun recoyemos arrémente informaciones sobre neños/es pembaxo los 15 años ensin el consentimientu previu de los pas o tutores llegales.

¿Cómo se trata la calidá de los datos?

Tomamos toles midíes razonables pa que los datos personales que tratamos tean actualizaos y pa desaniciar los datos personales que seyan erróneos o innecesarios. Nun vamos conservar los tos datos personales más que'l tiempu necesariu pa cumplir los oxetivos conseñaos nesta Declaración o que se vos digan d'otru mou, sacantes si la llei esixe un periodu más llargu.

Encamentámoste qu'accedas a la to cuenta pa consultar los tos datos personales de xemes en cuando col envíes d'ayudanos a caltenelos actualizaos.

¿Qué midíes se tomen pa protexer los tos datos personales?

La confidencialidá y la seguranza tienen una importancia crucial nel mou nel que creamos y ufrimos los nuesos productos y servicios. Tenemos asignaes responsabilidaes específiques col envís de responder a los problemes venceyaos a la seguranza y a la confidencialidá. Facemos cumplir les nueses polítiques y directives internes al traviés d'una esbilla d'actividaes afayadices ente les que ta, n'especial, una xestión proactiva y reactiva del riesgu, inxeniería de la seguranza y de la confidencialidá, formaciones y evaluaciones. Tomamos les midíes afayadices pa facer frente al riesgu de seguranza en llinia, de seguranza física, de perda de datos y otros riesgos teniendo en cuenta'l riesgu que representa'l tratamientu y la naturaleza de los datos protexíos. Tamién llendamos l'accesu a les nueses bases de datos que contienen datos personales namái al personal autorizáu que tenga necesidá xustificada d'acceder a esa información.

¿Cómo utilizamos les cookies y los marcadores Web?

Una «cooki » ye un ficheru pequeñu de testu que contién datos que se rexistren nun terminal (ordenador, tablet, smartphone…) cuando navegues nun sitiu web. Utilizamos les cookies, los marcadores web y otres tecnoloxíes asemeyaes pa facer furrular y ameyorar el nuesu sitiu web y la nuesa aplicación. Tamién utilizamos les cookies pa personalizar y amosar publicidá. Dellos sitios web de Fifteen usen tecnoloxíes publicitaries d'empreses terceres pa inxertar publicidá.

Equí embaxo apaez una llista de les cookies qu'usamos:

¿Cómo pues xestionar/desaniciar estes cookies?

Tolos navegadores principales d'Internet permiten xestionar les cookies instalaes nel to ordenador o móvil.

Si nun quies que'l nuesu sitiu web asitie cookies nel to ordenador o móvil, lléndales o desaníciales fácilmente axustándolo nel to navegador o móvil. Arriendes d'ello, pues facer que'l to ordenador o móvil t'unvie una notificación cada vegada que recibes una cookie nel ordenador o móvil, col envís de poder decidir si la aceptes o non.

Alertamos a cualesquier usuariu nuevu con un banner específicu que s'utilicen cookies nel nuesu sitiu web. Nesi momentu ye posible aceptales o refugales. Pues camudar la to escoyeta en tou momentu faciendo clic equí. El banner d'autorización de les cookies amosaráse entós otra vegada na próxima conexón.

¿Cuálos son los tos Drechos?

Tienes los siguientes drechos sobre los tos datos personales qu'utilizamos:

• Accesu: tienes drechu a conocer los datos personales tuyos que conservamos y a obtener una copia d'ellos.
• Portabilidá de los datos: so reserves llegales, tienes drechu a obtener nun formatu llexible dixital los datos personales que nos ufriesti.
• Rectificación: tienes drechu a pidir que se rectifiquen tolos tos datos personales que tean incompletos, erróneos o que nun tean actualizaos.
• Desaniciu: tienes drechu a pidir el desaniciu de los tos datos personales cuando yá nun seyan necesarios pal cumplimientu de les fines, si retirasti'l consentimientu al tratamientu, o si t'opones acordies cola normativa tocante a la protección de datos personales, si esti tratamientu ye illícitu o si hai impuesta una obligación llegal vixente.
• Retirada del to consentimientu: tienes drechu a retiranos l'autorización que diesti pa utilizar los tos datos personales.
• Oposición: tienes drechu d'oponete a un tratamientu de datos personales si esti se fundamenta na execución d'una misión d'interés públicu o relevante del exerciciu de l'autoridá pública, o nun interés llexítimu persiguíu por nós, por motivos venceyaos a la to situación particular. Tamién pues oponete en tou momentu a los tratamientos fechos con fines de prospección comercial.
• Llimitación: tienes drechu a pidir la llimitación del tratamientu de datos personales si impugnes la exactitú de los tos datos personales oxetu del tratamientu, si'l tratamientu ye illícitu y si t'opones al desaniciu de los tos datos personales, si lo consideres útil o si t'opunxesti al tratamientu, mentes comprobamos la llexitimidá de los nuesos intereses.
• Directrices post mortem: tamién tienes drechu a definir instrucciones tocantes a la conservation, el desaniciu y la comunicación de los tos datos personales dempués de la to muerte.

Si quies exercitar ún de los tos drechos, pues facénoslo daber contactando con nós en bici@gijon.es. Si entá nun tas satisfechu, tamién tienes drechu a empobinar una reclamación a una autoridá de control competente, qu'en Francia ye la Comisión Nacional d'Informática y de les Llibertaes.

¿Cuántu tiempu conservamos los tos datos personales?

Los tos datos van conservase un periodu que nun va perpasar lo necesario pal cumplimientu de les fines conseñaes nesta Declaración.

Si los tos datos yá nun son necesarios pa les fines conseñaes nesta Declaración, desaníciense regularmente o fáense anónimos a nun ser que seya necesario conservalos más tiempu:

• p'asegurar el cumplimientu de les obligaciones de conservación llegales, contables y fiscales, 10 años;
• pa la conservación de pruebes nos plazos de prescripción aplicables, 5 años;
• con fines de prospección comercial, 3 años a partir de la fin de la nuesa rellación contractual contigo o dende'l caberu contactu contigo.

Arriendes d'ello, si comprobamos que la to cuenta d'usuariu nun s'utilizó en más de 2 años, vamos desaniciar los tos datos personales.

¿Cuáles son les autorizaciones d'accesu riquíes pola Aplicación?

Ye necesario que nos deas les autorizaciones siguientes a l'Aplicación col envís de permitinos recoyer los datos necesarios pa la to inscripción y la to utilización del Serviciu Bici.

• Cámara: autorización necesaria pa proceder a escaniar el códigu QR qu'identifica la bici.
• Allugamientu: autorización necesaria col envís de llocalizate nel mapa (MapBox), indicate l'allugamientu de les bicis cercanes y cómo dir.
• Bluetooth: autorización necesaria col envís d'afitar y caltener la conexón ente'l teléfonu del usuariu y la bici pa un bon usu del serviciu Bici.

Modificación de la Declaración

Acutamos el drechu de modificar esta Declaración en tou momentu, con o ensin avisu previu. Sicasí, si la nuesa Declaración tien que se modificar, notificarémostelo per email, col envís de que tengas conocencia d'ello.

Contactu

Si tienes entrugues o pidimientos tocantes a esta Declaración o de mou xeneral sobre la manera na que tratamos los tos datos, pues contactar con nós na dirección d'email: bici@gijon.es