Términos xenerales d'usu
Anováu'l: 23 de octubre de 2023
Condiciones Xenerales d'Usu del Serviciu Xixón (CXUS)
Ente
L’usuariu/a del serviciu, d'equí p'alantre denomáu/ada «l’Usuariu/a»
Y
CityBike España, S.L, ESB 44703221
Con llar social en C/ Tuset 20-24, 02, 08006, Barcelona.
Representada por Cabañas Faura, Jordi, representante persona física de CityBike Global, S.A., alministrador únicu de CityBike España, S.L., que declara tar habilitáu/ada dafechu pa esti actu,
D'equí p'alantre denomáu/ada «l’Operador» / “La Ciudá” (cambear les menciones)
Índiz de conteníos
Contenido
1.2 Datos del serviciu al veceru. 2
ARTÍCULU 3 – DESCRIPCIÓN DEL SERVICIU.. 4
ARTÍCULU 4 – TARIFA Y MODALIDAES DE PAGU.. 4
4.3 Aseguramientu de los pagos. 5
ARTÍCULU 5 – OBLIGACIONES DE LES PARTES.. 5
5.1 Obligaciones del Operador. 5
5.2 Obligaciones del Usuariu/a. 6
5.2.1 Restricciones al usu del serviciu. 6
5.2.2 Creación d'una cuenta. 6
ARTÍCULU 6 – RESCISIÓN DEL CONTRATU.. 8
6.1 Rescisión por falta del Usuariu/a. 8
ARTÍCULU 7 – CONDICIONES PARTICULARES D'USU DE LES BICIS.. 8
7.1 Modalidá d'emprestu de la Bici na estación. 8
7.2 Asegurar y conservar la Bici 9
7.3 Modalidá de devolución de la Bici na estación y fin del arriendu. 9
7.4 Modalidá de devolución de la Bici fuera de la estación a la fin del arriendu. 10
7.5 Casu de cambéu de llugar de destín col arriendu entamáu. 10
7.6 Pidimientu de fin de trayectu d'urxencia. 10
7.7 Zones d'operación del Serviciu. 11
ARTÍCULU 8 - RESPONSABILIDÁ Y PENALIZACIONES.. 11
ARTÍCULU 9 - DATOS PERSONALES.. 12
ARTÍCULU 10 - RESOLUCIÓN DE LITIXOS.. 12
ARTÍCULU 11 - APLICACIÓN Y OPONIBILIDÁ DE LES CXUS.. 13
ARTÍCULU 1 - OXETU
1.1 Oxetu
El serviciu Xixón ye un dispositivu de bicis eléctriques d'usu llibre ufríu pola empresa CityBike España, que proporciona les bicis eléctriques, les estaciones y les aplicaciones necesaries pal suministru del serviciu. Les presentes condiciones xenerales tienen como oxetu definir les modalidaes de la puesta a disposición del Serviciu pa persones físiques, pal so usu personal nes condiciones definíes darréu.
1.2 Datos del serviciu al veceru
- Corréu: bici@gijon.es
Teléfonu: +34 930 348 075 (costu d'una comunicación llocal y costu del serviciu de baldre).
- Serviciu al veceru Xixón – Guillermo Marconi, nº 296 - puente Seco Roces - Gijón
- El serviciu al veceru ta abiertu de llunes a vienres de 6h a 00h
ARTÍCULU 2 - DEFINICIONES
Aplicación: designa'l programa descargable de baldre y executable dende'l sistema d'esplotación (iOS o Android) d’un smartphone o d’una tablet. Permiten a tou Usuariu/a del Serviciu alcontrar una estación cercana y tamién escoyer un itinerariu adaptáu a ciclistes, consultar el númberu de km percorríos, suscribise al Serviciu, contactar col Serviciu al veceru y declarar un incidente.
Batería comunitaria: designa la batería integrada na bici
Finxu: moblame urbanu de la estación nel que s'enganchen les bicis
Cuenta: designa la cuenta de cliente creada pol Usuariu/a na Aplicación y que-y permite acceder al Serviciu.
CXUS: Condiciones Xenerales d'Usu del Serviciu
Duración d’Usu Continuu Autorizáu: designa una duración d'un máximu de 24h d’usu de la bici o una posa d'un máximu de 1 hora del trayectu, que si se perpasa va acarretiar multes del Operador
Partes: designa'l conxuntu d'Operador y Usuariu/a
Operador: designa la empresa CityBike España qu'esplota'l Serviciu
Escaniar: Leer el códigu QR que tien la bici cola to cámara na aplicación Xixón
Serviciu: designa'l serviciu de bicis eléctriques d'usu llibre ufríu pol Operador
Sitiu Web: designa'l sitiu web bici.gijon.es que se pon a disposición de los Usuarios/es cola información sobre'l Serviciu, contactu del Serviciu al veceru, descarga de l'aplicación o consulta de les CXUS
Estación: zona d'aparcaderu de les bicis, equipada con dellos finxos pa una capacidá de 5 a 15 bicis
Tarifa: preciu aplicable que se conseña espresamente na Aplicación y/o nel Sitiu Web nel momentu de la validación del encargu correspondiente
Terceru: prestatariu de serviciu de mobilidá competencia del Operador
Usuariu/a: designa toa persona física mayor de 14 años que tenga la capacidá d'utilizar el Serviciu
Bici: designa les bicis eléctriques utilizaes nel marcu del Serviciu ufríu pol Operador
Zona d’operación del Serviciu: designa'l perímetru xeográficu nel que l'Usuariu/a tien drechu a utilizar la bici, y qu'inclúi la zona d'operación comunitaria y la zona d'operación secundaria definida nel artículu 7.6
ARTÍCULU 3 – DESCRIPCIÓN DEL SERVICIU
El Serviciu permite al Usuariu/a, en creando una cuenta na Aplicación, garrar emprestada una Bici allugada nuna Estación acordies coles modalidaes conseñaes embaxo.
L’Usuariu/a ha descargar nel so smartphone una Aplicación que permita l'arriendu y la devolución de les Bicis na Estación.
L’Aplicación permite al Usuariu/a:
- identificase y acceder a les informaciones de la so Cuenta;
- consultar l’estáu de les Estaciones y l'allugamientu de les bicis cercanes;
- obtener información sobre'l Serviciu;
- contactar col Serviciu de veceros;
- arrendar una bici;
- rexistrar, modificar o desaniciar les informaciones bancaries;
- consultar l'historial de los sos trayectos y pagos;
- consultar les CXUS
ARTÍCULU 4 – TARIFA Y MODALIDAES DE PAGU
4.1 Tarifes
Les Tarifes aplicables conséñense nel Sitiu Web y amuésense nel momentu de la suscripción del Serviciu pol Usuariu/a.
L’Usuariu/a reconoz y acepta que les Tarifes aplicables nel encargu en delles zones xeográfiques pue aumentar bultablemente nos periodos de fuerte demanda. Esti principiu aplícase en casu de modificación d'un encargu y/o de la execución del serviciu por un terceru qu'incluya revisión de Tarifes.
La Tarifa factúrase directamente na so tarxeta del bancu acordies cola duración del trayectu.
Les Tarifes aplicables a los servicios de Terceros tán disponibles na Aplicación y/o nel Sitiu Web. Puen modificase o actualizase en cualesquier momentu. Nel marcu del pidimientu de reserva y según la esistencia d’un serviciu ufríu por un Terceru y/o l'arriendu en cuestión, l'Aplicación y/o'l Sitiu Web ufiertará al Usuariu/a les Tarifes o una estimación de les Tarifes que-y va facturar el Terceru. Les Tarifes puen espeyar, ensin llimitación y acordies col serviciu encargáu, la distancia, la duración y el territoriu nel que'l Terceru ufre'l so serviciu, toa tarificación n'hora punta o toles modificaciones acordaes col Terceru.
4.2 Pagu del Serviciu
El pagu del Serviciu faise pela tarxeta bancaria que l'Usuariu/a conseñara nel momentu de la creación de la Cuenta o al actualizar les sos informaciones bancaries.
Al introducir el númberu de la tarxeta del bancu, l'Usuariu/a consiente que l'Operador cobre na tarxeta bancaria tolos importes que deba l'Usuariu/a acordies con estes CXUS. L'Usuariu/a reconoz y declara:
- Que la tarxeta bancaria asociada a la so Cuenta y los sos datos son y van siguir siendo válidos;
- Que tien capacidá, autorización o poder p'asociar esta tarxeta bancaria a la so Cuenta y pa que se-y cobre nesta tarxeta los costos d'utilización del Serviciu.
Al entamu del trayectu, Stripe Inc. pue proceder a una preautorización (15€) pa cobrar de la tarxeta bancaria del Usuariu/a en ficies de garantizar el pagu del serviciu.
En dellos casos, esta preautorización pue apaecer temporalmente na cuenta bancaria del Usuariu/a y va desaniciase a la fin del trayectu pa dexar llugar al cobru final.
4.3 Aseguramientu de los pagos
L’Operador utiliza los servicios de Stripe Inc, empresa especializada n'asegurar los pagos en llinia fechos con tarxeta bancaria. Los pagos fáense al traviés d'una interfaz de pagu asegurada y certificada PCI-DSS. Esta empresa comprométese a caltener esta certificación (o cualesquier certificación equivalente, anque se llame d'otra miente nel futuru) y ye responsable de la seguranza de los datos de los titulares de les tarxetes bancaries que recueye y almacena, trata o tresmite en nome y por cuenta del Operador. L’Usuariu/a ta informáu/ada de que les disposiciones rellacionaes col usu fraudulentu de la tarxeta bancaria son les que resulten del acuerdu que tenga col so bancu. L’Operador nun se va poder responsabilizar en nengún casu pol usu fraudulentu de los medios de pagu d'un Usuariu/a.
ARTÍCULU 5 – OBLIGACIONES DE LES PARTES
5.1 Obligaciones del Operador
El Serviciu ta accesible hasta'l llímite de les bicis disponibles nel teritoriu, tolos díes de la selmana, de 6 am a 12 pm, ensin interrupción, sacantes casos de fuerza mayor acordies col artículu 1105 del códigu civil o por decisión d'una autoridá alministrativa o xudicial qu'imponga una restricción total o parcial, temporal o definitiva, de la implantación d'una Estación, del usu d'una o delles bicis o de la circulación en bici nel territoriu d'implantación del Serviciu. L’Operador va esforzase n'informar en tiempu real al Usuariu/a de les condiciones de disponibilidá del Serviciu al traviés del Web o l'Aplicación.
5.2 Obligaciones del Usuariu/a
5.2.1 Restricciones al usu del serviciu
L'accesu al serviciu nun se permite a menores de 14 años, tean o non acompañaos/es.
El Serviciu ta accesible pa menores d'ente 14 y 18 años; el tutor/a llegal pue escoyer pagar pol usu de la persona menor rexistrando la so tarxeta de pagu personal na cuenta de la persona menor y presentar l'autorización correspondiente (a descargar nel sitiu web oficial).
El tutor o tutora llegal d'una persona menor qu'utilice'l Serviciu va ser responsable de tou dañu causáu directa o indirectamente pola persona menor nel usu del Serviciu.
Como cualesquier Usuariu/a, la persona menor de más de 14 años habrá tener una cuenta personal, un númberu teléfonu y una dirección d'email. Les cuentes son estrictamente personales, y permiten en tou momentu al Usuariu/a arrendar, utilizar y devolver una bici acordies coles condiciones d'embaxo.
Poro, l'Usuariu/a nun pue emprestar, arrendar nin ceder la so cuenta.
L’Usuariu/a ta autorizáu/ada a utilizar la Bici acordies con estos términos, au s'esclúi:
- cualesquier usu contrariu a les disposiciones de la normativa aplicable en carretera, n'especial lo afitao nel códigu de circulación;
- cualesquier usu en terrenos o condiciones qu'estropien la Bici;
- el tresporte de pasaxeros de la manera que seya;
- el tresporte nel paxu de delantre d'una carga superior a 5 kg;
- cualesquier usu de la Bici que pueda poner en peligru al Usuariu/a o a terceros;
- cualesquier desmontaxe o intentu de desmontaxe de toa o partes de la Bici;
- aparcar les bicicletes fora de los anclajes de la estación
- en xeneral, cualesquier usu anómalu d'una Bici.
La Bici nun ye quien pa soportar una carga total superior a 130 kg. L’Operador acútase'l drechu a suspender l'accesu a la cuenta del Usuariu/a de plenu drechu y ensin indeminzación dala nel casu en que l'Usuariu/a nun respete les condiciones previstes nesti artículu, y sobre manera en casu de robu, vandalismu, poner en peligru a otros.
5.2.2 Creación d'una cuenta
Col envís de poder soscribir y usar el Serviciu, invítase al Usuariu/a a crear una cuenta rellenando'l formulariu d’inscripción que s'apurre na Aplicación. El so númberu teléfonu y email valen pa identificalu/a, y va unviáse-y un códigu secretu de 4 cifres al númberu teléfonu pa validar la inscripción y acceder asina na cuenta.
L’Usuariu/a ta llendáu a una cuenta por persona física. La creación d'una cuenta ye de baldre. L’Operador acútase la posibilidá d'esixir la comunicación de xustificantes, como una copia del DNI col envís de validar la creación de la cuenta. L’Usuariu/a ye l'únicu/a responsable de la escoyeta de los sos identificadores énte los drechos de terceros, n'especial no que cinca a usurpación d'identidá o drechos de propiedá intelectual, asina como'l caltenimientu del so calter confidencial. En casu perda o escaezu de los identificadores, l'Usuariu/a tien de s'empobinar al Serviciu al veceru.
La validación de la creación de la cuenta va facese nel menor plazu posible dende la verificación del númberu teléfonu conseñáu na Aplicación.
Pa poder esfrutar del Serviciu, l'Usuariu/a habrá rexistrar los datos d'una tarxeta bancaria personal y válida.
Tamién tien d'aceptar estes CXUS marcando la casiella prevista pa ello.
L’Operador acútase'l drechu de refugar o anular la creación d'una cuenta o l'accesu al Serviciu a cualesquier Usuariu/a que nun cumpla les condiciones afitaes nestes CXUS.
5.2.3 Accesu a la Bici
L’Usuariu/a namái pue acceder a les Bicis al traviés de l'Aplicación. L'Usuariu/a habrá actualizar l'Aplicación pa poder esfrutar toles funciones del Serviciu.
Tien d'activar la xeollocalización y el Bluetooth pa poder acutar y arrendar una Bici.
L’Usuariu/a comprométese a facer un usu normal y priváu del Serviciu. Pa ello, l’Usuariu/a comprométese a utilizar el Serviciu de mou prudente, dilixente y sollerte, y respetando estes CXUS y el Códigu de Circulación asina como toles normes aplicables.
Cada arriendu nun va poder perpasar la duración d'usu continuu autorizada. En casu llitixu sobre la duración d'usu del serviciu pol Usuariu/a, van prevalecer los datos ufríos pol servidor informáticu del Serviciu al veceru. Si se perpasa la Duración d'Usu Continuu Autorizada, considérase que la Bici nun se devolvió y l'Operador acútase'l drechu de cobrar una penalización na cuenta bancaria del Usuariu/a por un importe de 500 euros.
Nel casu d'una posa abusiva superior a 1 hora, l'importe ye de 100 euros.
L’Usuariu/a asume'l curiáu de la Bici qu'arrendó. Habrá evitar que s'estropie, se destruya o desapaeza. Habrá candar sistemáticamente la Bici cola función posa cuando apare y dexe la Bici ensin xixilar. L'Usuariu/a comprométese a arendar y devolver la Bici dientro'l plazu de la Duración d'Usu Continuu Autorizada.
L’Usuariu/a acepta de manera antemanada que cualesquier incumplimientu d'esta obligación va dar drechu al Operador a cobrar una penalización col importe afitáu nos términos y modalidaes previstes nel artículu 8. En casu dase un usu d'una Bici contrariu a lo afitao nestes CXUS, l'Usuariu/a comprométese a devolver la Bici en cualesquier momentu, a la primera solicitú del Operador o de los sos representantes.
L’Usuariu/a comprométese a comunicar nel plazu más curtiu posible al Serviciu al veceru la perda o robu de la Bici, o cualesquier otru problema relativu a la Bici, usando'l so códigu d'accesu, a lo más en 24 hores dende'l socesu, quedando la Bici en tou momentu so la so responsabilidá hasta la devolución de la mesma. Los Usuarios/es son los responsables d'actualizar los sos datos personales y de les consecuencies perxudiciales que pueda acarretiar la non comunicación de cualesquier modificación de los mesmos. Con envís de caltener l'accesu al Serviciu, l'Usuariu/a comprométese a caltener una tarxeta bancaria válida tola duración del usu del serviciu. Si ye necesario, habrá actualizar los sos datos y la data de validez de la so tarxeta directamente na so Cuenta.
ARTÍCULU 6 – RESCISIÓN DEL CONTRATU
6.1 Rescisión por falta del Usuariu/a
Considérense especialmente como falta del Usuariu/a:
- L'Usu d'una tarxeta bancaria caducada o non válida;
- L'impagu parcial o total del preciu del trayectu o de cualesquier importe debíu pol serviciu Xixón;
- L'usu del serviciu que nun tea acordies con estes CXUS.
Si, tres de la notificación formal al Usuariu/a pa que subsane l'incumplimientu alcontráu, sigue ensin solucionase nun tiempu razonable, l'Operador va suspender l'accesu al Serviciu hasta que la situación tea regularizada pol Usuariu/a.
Sicasí, anque tea suspensu l'accesu al Serviciu, l'Usuariu/a sigue siendo responsable de los viaxes fechos previamente.
Si'l Serviciu se suspende más de (2) dos meses, l'Operador pue poner fin al Contratu.
ARTÍCULU 7 – CONDICIONES PARTICULARES D'USU DE LES BICIS
7.1 Modalidá d'emprestu de la Bici na estación
Nel momentu del arriendu d'una Bici, l'Usuariu/a habrá:
- Abrir l'Aplicación iOS o Android nel so smartphone
- Activar la xeollocalización y el Bluetooth si nun lo fixo yá
- Inxertar la so dirección de destín
- Aceptar l'arriendu de la Bici, el preciu afitáu pa esti arriendu, y el mou d'aparcamientu conseñáu na aplicación afitáu acordies col sitiu de destín clicando nel botón de validación
- Empobinase a la Bici acutada siguiendo les instrucciones de l'Aplicación (la Bici acútase pa una duración que correspuende al tiempu de marcha estimáu ente l'allugamientu del Usuariu/a y la Bici)
- Escaniar el códigu QR o inxertar a mano'l númberu d'identificación
El desbloquéu de la bici faise al traviés d'una comunicación Bluetooth ente la bici y el smartphone. Si funciona'l desbloquéu, va oyese una señal sonora.
Si quier, l'Usuariu/a pue usar el contéu pa smartphone disponible nel guía y l'Aplicación pa guiase nel trayectu. L'Usuariu/a ye responsable de los daños ocasionaos al smartphone en casu de cayida o de mal usu del contéu. Si'l contéu ta visiblemente defectuosu, l'Usuariu/a nun habrá usalu.
7.2 Asegurar y conservar la Bici
Ye posible candar la Bici demientres l'arriendu. Infórmase al Usuariu/a que'l tiempu d'arriendu sigue descontándose nesti casu. Pa candar la Bici fuera d'una Estación, l'Usuariu/a tien de calcar nel botón “Posa” na Aplicación. Un pitíu indica que la bici ta bien candada.
La bici nun se pue inmovilizar na Estación demientres l'arriendu, tien d'allugase nel so encontu.
Pa volver a entamar el viaxe y descandar la Bici, l'Usuariu/a tien de facer clic nel botón correspondiente na Aplicación.
7.3 Modalidá de devolución de la Bici na estación y fin del arriendu
Si nel momentu d'acutar l'aplicación indica que l'Usuariu/a tien de devolver la bici nuna estación, esti habrá empobinase a la estación siguiendo'l percorríu y les indicaciones daes pola Aplicación.
En tando na Estación, tien d'enganchar la Bici directamente na Estación inxertando la rueda de delantre nel enganche.
L'Usuariu/a tien d'asegurase que la Bici ta bien enganchada col pitíu y facer clic en "Terminar" pa poner fin al trayectu.
Si la operación se fixo bien, l’Aplicación amuesa una pantalla d'agradecimientu y el preciu facturáu, y da al Usuariu/a la posibilidá d'anotar el so trayectu.
Si apaez un mensaxe d'error, pue ser que la bici se devolviera mal, polo qu'habrá de volver empezar el procedimientu pa dexar la bici na estación.
Si dempués del pitíu l'Usuariu/a nun ye quien entá a completar el viaxe, habrá ponese en contactu col Serviciu al veceru lo enantes posible.
Una bici sólo se considera que ta devuelta cuando l'Usuariu/a ve un mensaxe de confirmación de la devolución de la bici y un mensaxe d'agradecimientu na pantalla'l móvil.
7.4 Modalidá de devolución de la Bici fuera de la estación a la fin del arriendu
Si nel momentu d'acutar, l'Aplicación indica que l'Usuariu/a tien de devolver la bici fuera de la Estación, l'Usuariu tendrá de dexala a una banda de la estación más cercana.
L'Usuariu/a habrá asegurase que l'espaciu utilizáu respete l'allugamientu de la vía y nun alterie la circulación d'otros Usuarios/es.
L'Usuariu/a tien de facer clic en "Terminar" pa poner fin al trayectu.
Si l'Aplicación lo pide, l'Usuariu/a tien de sacar una foto de la Bici a distancia abonda pa que se vea entera.
Si la operación se fixo bien, la devolución de la Bici va indicase con un pitíu y l’Aplicación va amosar una pantalla d'agradecimientu y el preciu facturáu, y va dar al Usuariu/a la posibilidá d'anotar el so trayectu.
Una bici sólo se considera que ta devuelta cuando l'Usuariu/a ve un mensaxe de confirmación de la devolución de la bici y un mensaxe d'agradecimientu na pantalla'l móvil. Hasta que la Bici nun se devuelva, l'arriendu sigue en cursu.
Si l'Usuariu/a nun ye quien entá a devolver la Bici, habrá ponese en contactu col Serviciu al veceru lo enantes posible.
7.5 Casu de cambéu de llugar de destín col arriendu entamáu
Si l'Usuariu/a decide metanes el viaxe nun dir al destín conseñáu nel arriendu, pue dir directamente al so destín nuevu ensin informar a l'Aplicación.
Al llegar al llugar nuevu tien de facer clic nel botón “Terminar” na Aplicación.
L'Aplicación va indicar entós al Usuariu/a si pue aparcar la Bici fuera de la Estación o si tien d'acudir a la Estación y siguir el procedimientu conseñáu en 7.3 o 7.4
7.6 Pidimientu de fin de trayectu d'urxencia
En casu d'alcontrar un problema pa terminar el trayectu, fuera de les hores d'apertura del Serviciu al veceru, l'Usuariu/a tien la posibilidá de pidir la fin del so trayetu. Pa ello habrá facer clic nel botón “PIDIR LA FIN DEL MIO TRAYECTU" y rellenar el formulariu de pidimientu. Habrá confirmar qu'acepta y va respetar les condiciones de fin de trayectu d'urxencia conseñaes nel artículu del formulariu pa validar el so pidimientu. En rellenando'l formulariu y mandando la foto de la bici, el Serviciu al veceru va ponese en contactu col Usuariu/a y va proceder a la regularización del so trayectu. En casu d'usu abusivu d'esta función, l'Operador acútase'l drechu de factura-y multes del importe conseñáu nel artículu 8 d'estos CXUS.
7.7 Zones d'operación del Serviciu
En cada territoriu, la Zona d’operación del Serviciu ta conseñada na Aplicación. L'Usuariu/a acepta nun poner fin a un arriendu fuera de la Zona d'operación del Serviciu. En casu d’abandonu d’una Bici fuera de la Zone d’operación del Serviciu, l’Usuariu/a pue tener que pagar una indemnización acordies coles condiciones conseñaes nel artículu 8.
Si l’Usuariu/a tenta de devolver una Bici fuera de la Zona d’operación del Serviciu, l’Aplicación va indica-y el llugar de devolución autorizada más cercanu. L’Usuariu/a nun pue devolver entós la Bici fuera de la Zona d'operación, el trayectu nun se considera acabáu, y la bici sigue siendo responsabilidá del Usuariu/a. Si l'Usuariu/a dexa ellí la Bici de toes toes, en pasando 2 hores ensin movimientu, la Bici considérase abandonada.
La Zona d’operación del Serviciu ye la fastera central de la zona d'operación marcada n'azul na Aplicación. Nesta zona, tolos Usuarios/es inscritos/es puen usar el serviciu gracies a la enerxía disponible na batería instalada na Bici.
ARTÍCULU 8 - RESPONSABILIDÁ Y PENALIZACIONES
L’Usuariu/a comprométese a respetar estes condiciones xenerales d'accesu y d'usu del serviciu y a devolver la Bici nel mesmu estáu que cuando la garró.
L’Usuariu/a autoriza al Operador a cobra-y les siguientes penalizaciones en casu d'incumplimientu de les condiciones conseñaes embaxo:
- robu de la bici: 2000€;
- desapaición de la bici ensin xustificación dende l'entamu del arriendu: 2000€;
- estroces sufríes pola bici imputables al Usuariu/a: importe global de 100 € por Bici más el costu de merca de les pieces qu'haya que sustituyir;
- abandonu de la Bici fuera de una estatcion y/o la Zona d’operación del Serviciu: 50€ nes ciudaes que llenden cola Zona d'operación del Serviciu, 100€ más lloñe;
- posa abusiva (superior a 1 hora): 100€;
- abandonu de la Bici cerca d'una Estación u seya obligatorio y posible aparcar: 50€;
- pidimientu de fin de trayectu d'urxencia ensin respetar les condiciones: 150€
L’Usuariu/a declara que ye quien pa utilizar una Bici y que tien la condición física afayadiza pa esti usu (altor abonda, bona salú, etc,…).
Yá que se pon la Bici so la responsabilidá del Usuariu/a, aconséyase qu'esti proceda, enantes d'usar la Bici recoyida, a comprobaciones básiques de los sos principales elementos funcionales visibles, y n'especial (llista non exhaustiva):
- la fixación afayadiza del sillín, de los pedales y del paxu;
- el bon funcionamientu del pitu, los frenos y l'allumáu;
- el bon estáu xeneral del cuadru y los neumáticos.
En casu contrariu, l'Usuariu/a habrá conseñar tolos incidentes na so cuenta de l'Aplicación y/o nel Serviciu al veceru.
L’Usuariu/a declara tener soscritu y ser titular d'un seguru de responsabilidá vivil vixente que garantice les consecuencies del usu de la Bici. Amás, aconséyase al Usuariu/a:
- adaptar la distancia de frenáu con mal tiempu;
- regular el sillín p'adaptalu a la so altor;
- llevar cascu homologáu y ropa afayadizo.
L’Usuariu/a ye responsable dafechu de los daños causaos pol usu de la Bici tola Duración d'Usu, mesmamente cuando l'usu perpase la Duración d'Usu Continuu Autorizada en casu de devolución tarde por parte del Usuariu/a. Los padres o representantes llegales d'una persona menor inscrita nel Serviciu van ser responsables de tou dañu causáu directa o indirectamente pola persona menor nel usu del Serviciu.
Tolos emprestos superiores a 24 hores considérense como casos de desapaición de la Bici hasta que se recupere, y van poder dar llugar a penalizaciones nes condiciones conseñaes enriba. En casu de desapaición de la Bici de la que ye responsable, l'Usuariu/a tien la obligación de denunciar tala desapaición al serviciu d'atención al veceru nes 24 hores siguientes al emprestu inicial y presentar nes 48 horas siguientes na policía una denuncia por robu de la Bici y ufrir al Serviciu al veceru una copia de tala reclamación.
En casu d’accidente y/o socesu nel que se vea involucrada la Bici, l'Usuariu/a tien la obligación de dar parte de los fechos nel plazu más curtiu posible nel Serviciu al veceru. La Bici queda so la so responsabilidá hasta que se cande, o nel so defectu, hasta la confirmación de un pidimientu de bloquéu a distancia al Serviciu al veceru.
ARTÍCULU 9 - DATOS PERSONALES
Los datos personales del Usuariu/a van tratase acordies cola política de confidencialidá del Operador.
ARTÍCULU 10 - RESOLUCIÓN DE LITIXOS
Les CXUS y les relaciones ente l'Usuariu/a y l'Operador sométense al drechu español. En casu de reclamación, l’Usuariu/a pue empobinase al Serviciu al veceru col formulariu previstu pa ello nel Web, per email a la dirección bici@gijon.es o per corréu a la dirección postal del Serviciu al veceru Xixón – Gijón Guillermo Marconi, nº 296 - puente Seco Roces - Gijón. L’Usuariu/a tien un plazu de tres (3) meses dempués del socesu reclamáu pa facelo.
Les partes van faer tolo posible para atopar una solución amistosa a cualquier diferencia que surda ente elles.
Les CGUS y les relaciones ente l'Usuariu y l'Operadora rexir pola llei española. Cualquier pleitu relativu a la interpretación, execución o resolvimientu de los presentes CGUS y/o a les relaciones ente l'Usuariu y l'Operadora va ser competencia de los tribunales españoles.
ARTÍCULU 11 - APLICACIÓN Y OPONIBILIDÁ DE LES CXUS
Los presentes CGUS rixen l'usu del Serviciu per parte del Usuariu y pueden consultase en bici.gijon.es. L'Usuariu comprometer a lleer les CGUS y a aceptales antes de faer el primer usu del Serviciu y de descargar l'aplicación. L'Usuariu queda informáu de que'l meru usu del Serviciu implica l'aceptación plena y ensin reserves de toles disposiciones de los presentes CGUS. Reconoz que ye dafechu consciente de que la so aceptación de les CGUS nun riquir la firma manuscrita nin electrónica d'un documentu. La Operadora acútase'l derechu a modificar les CGUS en cualquier momentu y ensin previu avisu, entendiéndose que diches cambeos solo van ser aplicables a les suscripciones y usos posteriores a diches cambeos. El fechu de que la Operadora nun reclame, nun momentu dáu, una de les disposiciones de los presentes CGUS, nun se va interpretar como un arrenunciu a dereches de faelo darréu.
Nel supuestu de qu'una de les clauses de les CGUS sía declarada nula, illegal o non ejecutable, en tou o en parte, les demás clauses van siguir siendo dafechu vixentes. Nel supuestu de que'l Serviciu sía encargáu a una sociedá distinta de la Operadora, l'Usuariu acepta que los presentes CGUS van ser automáticamente tresferíes al cesionario, sía cual fora.
